கட்டியணைத்துக்கொள் கண்மணியே

மூச்சுமுட்ட வியர்வை சொட்ட
கண்ணை மூடி
சொப்பனம் தேடி
கூந்தல் நுனிகளை
சிந்தும் பனிகள் ஆக்கி
இறுக்கிக்கொள்
என்னை நெருக்கிக்கொள்

மிச்சமின்றி சொச்சமின்றி
மடக்கிக்கொள் -என்னை உன்னில்
அடக்கிக்கொள்
வேகங்களைப் பொறுத்து
தூரங்களை நிறுத்து
வட்டமிட்டுக் கட்டமிட்டு
ஒட்டிக்கொள்

கூச்சம் துறந்து அச்சம் மறந்து
உச்சம் கொள் -கொஞ்சல்
இச்சை கொள்
தாகங்களை மறந்து -புது
மோகங்களை உணர்ந்து
காதலுடன் காமம் பொங்க
கட்டிக்கொள்

கட்டியணைத்துக்கொள்
கண்மணியே
வேற்றுக்காரணி அந்தக்
காற்றைக்கூட
சேர்த்திடாதே நம் உடலுக்குள்
சொர்க்கம் செல்கையில்
மூச்செதற்கு?